Жаран жарны түүх хурайлж уухайлна
Жаахан шаргын аялгууг гэгэлзүүлсхийгээд уяруулна
Жавар салхины үзүүрийг анхны төл амилуулна
Жалгын цасыг сөхөж яргуйн зүүд өндөлзөнө
Гартаам, манан хөөрөгийг голомт тойруулан зөрүүлээд
Гарч байгаа жилийн өнгийг хэлэлцэнэ үү
Гадаа гэртгүй гоё дээлтэй хүүхдүүд тоглоод
Ганцхан Монгол орны тэнгэр хангай уярна уу
Тэнгэрийн өнгөтэй хадгаар ерөөл тавин золгож
Тэргүүн сарын шинийн нэгний энх мэндийг эрье.