ИТХ-ын төрийн бодлого, хууль зүй хяналтын хорооноос уул уурхайн ашиглалтын тусгай зөвшөөрөл эзэмшигч Чин Хаш ХХК-ны үйл ажиллагаа буюу авто зам ашиглалтын байдалтай танилцахад хүнд даацын автомашинууд олон салаа зам гарган тээвэрлэлт хийснээр хөрс бэлчээрийг маш их хэмжээгээр сүйтгэж тоосжилт үүсгэн байгаль орчныг доройтуулсан байлаа. Тээвэрлэлт хийхдээ орон нутгийн төр захиргааны болон иргэд малчдын саналыг авалгүйгээр зохион байгуулсан нь малчдын дунд ихээхэн маргаан үүсгээд байсан тул ажлын хэсгээс компаний удирдлагад 4 заалт бүхий албан шаардлагыг хүргүүллээ.