Орон нутагт үйлдвэрлэлийг хөгжүүлэх ажлын хүрээнд Говь-Угтаал суманд ямар үйлдвэр байвал оновчтой талаар санал солилцох хэлэлцүүлгийг 04 сарын 14-ны өдрийн 11.00 цагт сумын соёлын төвд зохион байгууллаа. Хэлэлцүүлэгт урилгаар Дундговь аймгийн ЗДТГ-ын ХОХБТХ-ийн мэргэжилтэн Энхтуяа," Инвест ко-оп монгол" төслийн зөвлөх доктор Л.Тогтохбуян ахлагчтай баг, УБ хот дахь Говь-Угтаал сумын нутгийн зөвлөлийн дэргэдэх "Цэцэн ханы залуус" клубын гишүүн Г.Мөнгөн-Эрдэнэ нар оролцсон ба сумын ИТХ-ын төлөөлөгчид, багийн ИНХ-ын дарга, ЗДТГ-ын албан хаагчид, байгууллагын дарга эрхлэгчид, ЖДҮ эрхлэгчид болон иргэд оролцож нилээд саналууд гарч үр дүнтэй болсон. Хэлэлцүүлгээс гарсан 12 үйлдвэрийн саналыг төслийн багийнхан судалж үзээд 4 сарын 20-ны дотор хариугаа суманд ирүүлэхээр тогтлоо. Дахин ажлын хэсэг, төслийн баг хуралдаж саналаа солилцон суманд байгуулах үйлдвэрийн төсөв тооцоонууд хийгдэх юм.